Մեր մասին
Բարի գալուստ RicհArt (ՌիչԱրտ) ընկերության պաշտոնական կայք: Այստեղ դուք կարող եք գտնել բոլոր տեղեկությունները մեր ընկերության և մեր կողմից առաջարկվող ծառայությունների մասին:
RichArt ընկերությունը հիմնադրվել է Երևանում 2020 թվականին: Ընկերությունը զբաղվում է բջջային հեռախոսների և պահեստամասերի մեծածախ վաճառքով: Սա կատարյալ վայր է թե՛ բոլորովին նոր, թե՛ նախկինում օգտագործված բջջային հեռախոսներ գտնելու համար՝ լավագույն առաջարկներով:
RichArt-ն առաջարկում է ոչ միայն հեռախոսներ, այլ նաև օրիգինալ LCD էկրանների լայն ընտրանի, որոնք արտադրվում են համապատասխան բրենդների պաշտոնական գործարաններում:
Պրոֆեսիոնալ և փորձառու մասնագետների հատուկ թիմը կատարում է նաև օգտագործված հեռախոսների թեստավորում և ըստ չափորոշիչների գնահատում։
Օգտագործված հեռախոսների թեստավորումն ու դասակարգումը ներառում է 4 փուլ․
- Բջջային հեռախոսների տեսակավորում։Մեր մասնագետները ըստ արտաքին տեսքի տեսակավորում են հեռախոսները՝ հաշվի առնելով խազերը, քերծվածքները, վնասվածքներն ու դեֆորմացիաները։
- Թեստավորում։Գնահատման գործընթացի կարևորագույն փուլը թեստավորումն է։ Այս փուլում մասնագետները թեստավորում են յուրաքանչյուր սարքավորման ամբողջ ֆունկցիոնալը։
- Հիշողության մաքրում։Այս փուլում հեռախոսի ներքին հիշողությունը մաքրվում է՝ բերվելով գործարանային վիճակի, ինչը հնարավորություն է տալիս նոր օգտատիրոջը համապատասխանեցնել հեռախոսի կարգավորումները իրեն հարմար ձևով։
- Գնահատում և դասակարգում։Այս փուլը վերջինն է, քանի որ հեռախոսները դասակարգվում են ըստ A, B, C և D կարգերի ըստ արտաքին տեսքի և ֆունկցիոնալ վիճակի։ Դասակարգման այս չորս տեսակներին կարող եք ծանոթանալ այս էջում։